អំពីយើង
លោកស្រី ឆាយ ស្វែងជាអាទិ៍ (ប្រធានសមាគមឆ្មបកម្ពុជា)
ខ្ញុំឈ្មោះ ឆាយ ស្វែងជាអាទិ៍ ជាឆ្មបបរិញ្ញាបត្រ។ ខ្ញុំកើតនៅទីក្រុងភ្នំពេញក្នុងឆ្នាំ ១៩៦៥។ ខ្ញុំបានរៀបការនិងរស់នៅក្នុងទីក្រុងភ្នំពេញ។ ខ្ញុំបម្រើការងារអស់រយៈពេល ៣៥ឆ្នាំហើយ។
បច្ចុប្បន្ន ខ្ញុំជាប្រធានផ្នែកថែទាំនៅមជ្ឈមណ្ឌលជាតិគាំពារមាតានិងទារក (NMCHC)។ ជាមួយគ្នានេះដែរ ខ្ញុំក៏ជាទីប្រឹក្សារបស់ផ្នែកបណ្តុះបណ្តាល និងជាសមាជិកគណៈកម្មការរបស់ NMCHC ។
បន្ថែមពីលើនេះទៀត ខ្ញុំជាគ្រូបង្រៀនក្រៅម៉ោងនៅសាលាបង្រៀនឆ្មបមួយ។ជាចុងក្រោយ ខ្ញុំបានក្លាយជាប្រធានសមាគមឆ្មបតាំងពីឆ្នាំ ២០១០។
គោលដៅរួម
គោលដៅរួម គឺដើម្បីលើកកម្ពស់ស្ដង់ដារនៃការអនុវត្តន៍វិជ្ជាជីវៈឆ្មប ឆ្ពោះទៅកាន់កម្រិតដ៏ខ្ពស់បំផុតមួយ តាមដែលអាចធ្វើបាន។
ចក្ខុវិស័យ
សមាគមឆ្មបកម្ពុជា (ស.ឆ.ក) ត្រូវបានទទួលស្គាល់ថាជាស្ថាប័នឈានមុខគេខាងវិជ្ជាជីវៈឆ្មប ដើម្បីបម្រើប្រយោជន៍សាធារណៈ សំដៅជួយកាត់បន្ថយអត្រាមរណៈ និងអត្រាកើតជម្ងឺរបស់មាតា និងទារកទើបកើតនៅក្នុងប្រទេសកម្ពុជា។
បេសកកម្ម
ដើម្បីសម្រេចបានចក្ខុវិស័យខាងលើ សមាគមឆ្មបកម្ពុជា (ស.ឆ.ក) ត្រូវធានាឱ្យបាននូវ៖
-
ការផ្តល់សេវាថែទាំដ៏ល្អ ដោយឆ្មបជំនាញ សម្រាប់ស្រ្តី និងកុមារនៅគ្រប់កម្រិត ជាពិសេសក្នុងសហគមន៍
-
ការរៀបចំបង្កើត និងកែលម្អការអនុវត្តន៍វិជ្ជាជីវៈឆ្មប តាមរយៈការផ្តល់ជូនសេវា ដែលមានគុណភាពល្អបំផុត ដល់ស្ត្រី គ្រួសារ និងសហគមន៍
-
ការការពារសិទ្ធិ និងការពង្រឹងតួនាទី និងទំនួលខុសត្រូវរបស់ឆ្មបប្រកបដោយសេចក្តីថ្លៃថ្នូរ គុណភាព ភាពស្មោះត្រង់ និងប្រសិទ្ធភាព។
